"Манчестер Юнайтед" "Лестер" вингери Харви Барнсга қизиқиш билдирмоқда, деб хабар беради Daily Mail.
25 ёшли футболчи "Ньюкасл"га ўтишга яқин экани аллақачон хабар қилинганди, аммо "қизил иблислар" футболчини қўлга киритмоқчи.
Аввалроқ "Ньюкасл" Барнс учун 41 миллион евро тўлашга тайёр экани хабар қилинганди.
Англиялик футболчи ўтган мавсумда "Лестер" сафида 40 та ўйинда майдонга тушиб, 13 та гол урди ва 3 та голга ассистентлик қилди. Унинг шартномаси 2025 йилнинг ёзига қадар мўлжалланган.
Трансфермаркт портали футболчининг нархини 35 миллион еврога баҳоламоқда.