"Portu"ning portugaliyalik yarim himoyachisi Otavio ushbu transfer oynasida "Yuventus" va "Inter"ning asosiy maqsadi hisoblanmaydi, deb yozadi taniqli insayder Nikolo Skira o‘zining ijtimoiy tarmoqlarida.
Manbaga ko‘ra, har ikkala klub ham ushbu futbolchini qo‘lga kiritishni o‘z oldiga asosiy maqsad qilib qo‘yishmagan. Uning sotib olish varianti 40 million yevro.
Otavio “Portu”da yetti yildan beri o‘ynab kelmoqda. 2022/2023 yilgi mavsumda portugaliyalik barcha turnirlarda 44 ta o‘yin o‘tkazib, 7 ta gol va 9 ta golli uzatmani amalga oshirgan. Futbolchining "Portu" bilan shartnomasi 2025 yilning iyun oyi oxirigacha amal qiladi. Transfermarkt internet portaliga ko‘ra, futbolchining taxminiy narxi 35 million yevroni tashkil qiladi.
"An-Nasr" hujumchisi Krishtianu Ronaldu yarim himoyachini o‘z jamoasiga o‘tishini istamoqda, deb avvalroq A Bola xabar bergan edi.