"Порту"нинг португалиялик ярим ҳимоячиси Отавио ушбу трансфер ойнасида "Ювентус" ва "Интер"нинг асосий мақсади ҳисобланмайди, деб ёзади таниқли инсайдер Николо Скира ўзининг ижтимоий тармоқларида.
Манбага кўра, ҳар иккала клуб ҳам ушбу футболчини қўлга киритишни ўз олдига асосий мақсад қилиб қўйишмаган. Унинг сотиб олиш варианти 40 миллион евро.
Отавио “Порту”да етти йилдан бери ўйнаб келмоқда. 2022/2023 йилги мавсумда португалиялик барча турнирларда 44 та ўйин ўтказиб, 7 та гол ва 9 та голли узатмани амалга оширган. Футболчининг "Порту" билан шартномаси 2025 йилнинг июн ойи охиригача амал қилади. Transfermarkt интернет порталига кўра, футболчининг тахминий нархи 35 миллион еврони ташкил қилади.
"Ан-Наср" ҳужумчиси Криштиану Роналду ярим ҳимоячини ўз жамоасига ўтишини истамоқда, деб аввалроқ A Bola хабар берган эди.