“Al-Ittifoq” “Liverpul” yarim himoyachisi Jordan Xenderson bilan muzokaralar olib bormoqda.

Daily Mail xabariga ko‘ra, Saudiya Arabistoni klubi futbolchiga haftasiga 800 ming yevro to‘lashga tayyor. Angliyada 33 yoshli futbolchi haftasiga 221 ming yevro maosh oladi.

Avvalroq “Al-Ittifoq”ning yangi bosh murabbiyi Stiven Jerrard “Liverpul”dagi sobiq jamoadoshini Saudiya klubiga taklif qilmoqchi ekani haqida xabar berilgandi. 33 yoshli angliyalik futbolchi kelajagi borasida yaqin kunlarda bir qarorga kelishi kutilmoqda.

Xenderson “Liverpul”da 2011 yildan buyon to‘p suradi. Transfermarkt portali uning narxini 10 million yevroga baholamoqda. 2022/23 yilgi mavsumda angliyalik barcha turnirlarda 43 ta o‘yinda maydonga tushib, 3 ta golli uzatmani amalga oshirgan.