“Ал-Иттифоқ” “Ливерпуль” ярим ҳимоячиси Жордан Хендерсон билан музокаралар олиб бормоқда.
Daily Mail хабарига кўра, Саудия Арабистони клуби футболчига ҳафтасига 800 минг евро тўлашга тайёр. Англияда 33 ёшли футболчи ҳафтасига 221 минг евро маош олади.
Аввалроқ “Ал-Иттифоқ”нинг янги бош мураббийи Стивен Жеррард “Ливерпуль”даги собиқ жамоадошини Саудия клубига таклиф қилмоқчи экани ҳақида хабар берилганди. 33 ёшли англиялик футболчи келажаги борасида яқин кунларда бир қарорга келиши кутилмоқда.
Хендерсон “Ливерпуль”да 2011 йилдан буён тўп суради. Transfermarkt портали унинг нархини 10 миллион еврога баҳоламоқда. 2022/23 йилги мавсумда англиялик барча турнирларда 43 та ўйинда майдонга тушиб, 3 та голли узатмани амалга оширган.