"Milan"ga yaqinda kelgan Kristian Pulishich yangi jamoadoshlari haqida o‘z fikri bilan o‘rtoqlashdi.
Payshanba kuni 24 yoshli o‘yinchining "Chelsi"dan "rossonerilar" lageriga o‘tishi rasman tasdiqlandi, ko‘p o‘tmay amerikalik futbolchi jurnalistlar bilan suhbatlashdi.
“Rafael Leau aql bovar qilmaydigan futbolchi. U darvoza oldida juda xavfli va har doim nima qilishni biladi. Men u bilan o‘ynashni intiqlik bilan kutyapman. Jamoaga hujumda yordam bermoqchiman.
"Chelsi"da tanish bo‘lgan Ruben [Loftus-CHik], Fikayo [Tomori] va Olivye [Jiru]ni yana ko‘rish juda yoqimli.
Tomori "Milan"da o‘ynab, ancha yaxshilandi va men u bilan ham, Jiru bilan ham transferimni muhokama qilganman", — deya Pulishichning so‘zlarini keltiradi TMW.