"Милан"га яқинда келган Кристиан Пулишич янги жамоадошлари ҳақида ўз фикри билан ўртоқлашди.
Пайшанба куни 24 ёшли ўйинчининг "Челси"дан "россонерилар" лагерига ўтиши расман тасдиқланди, кўп ўтмай америкалик футболчи журналистлар билан суҳбатлашди.
“Рафаэль Леау ақл бовар қилмайдиган футболчи. У дарвоза олдида жуда хавфли ва ҳар доим нима қилишни билади. Мен у билан ўйнашни интиқлик билан кутяпман. Жамоага ҳужумда ёрдам бермоқчиман.
"Челси"да таниш бўлган Рубен [Лофтус-Чик], Фикайо [Томори] ва Оливье [Жиру]ни яна кўриш жуда ёқимли.
Томори "Милан"да ўйнаб, анча яхшиланди ва мен у билан ҳам, Жиру билан ҳам трансферимни муҳокама қилганман", — дея Пулишичнинг сўзларини келтиради TMW.
