"Arsenal" "Vest Xem" va Angliya terma jamoasi yarim himoyachisi Deklan Rays bilan shartnoma imzolaganini bugun e’lon qilmoqchi.

Fabrisio Romanoning o‘z ijtimoiy tarmoqlarida xabar berishicha, futbolchining taqdimoti bugun, 15 iyul kuni bo‘lib o‘tadi.

Oldinroq Britaniya matbuotida Deklanning transferi "kanonirlar"ga taxminan 120 million yevroga tushishi haqida xabar berilgandi.

Rays "Vest Xem" akademiyasining bitiruvchisi hisoblanadi. Yarim himoyachi va "bolg‘achilar" o‘rtasidagi mehnat shartnomasi muddati kelasi yilning o‘rtalarigacha hisoblangan.

Rays o‘tgan mavsumda Premyer-ligada 37 ta o‘yinda maydonga tushib, 4 ta gol urdi va 2 ta golli uzatmani amalga oshirgan.