"Арсенал" "Вест Хэм" ва Англия терма жамоаси ярим ҳимоячиси Деклан Райс билан шартнома имзолаганини бугун эълон қилмоқчи.
Фабрицио Романонинг ўз ижтимоий тармоқларида хабар беришича, футболчининг тақдимоти бугун, 15 июль куни бўлиб ўтади.
Олдинроқ Британия матбуотида Декланнинг трансфери "канонирлар"га тахминан 120 миллион еврога тушиши ҳақида хабар берилганди.
Райс "Вест Хэм" академиясининг битирувчиси ҳисобланади. Ярим ҳимоячи ва "болғачилар" ўртасидаги меҳнат шартномаси муддати келаси йилнинг ўрталаригача ҳисобланган.
Райс ўтган мавсумда Премьер-лигада 37 та ўйинда майдонга тушиб, 4 та гол урди ва 2 та голли узатмани амалга оширган.
