Fabrisio Romanoning so‘zlariga ko‘ra, "Bornmut" AZ himoyachisi Milosh Kerkezni sotib olmoqchi.
Unga ko‘ra, 19 yoshli venger ingliz klubi bilan shaxsiy shartnoma shartlarini kelishib olgan. Avvalroq u "Lasio"ga o‘tishga rozi bo‘lgandi.
Qayd etilishicha, endi hamma narsa transfer summasiga bog‘liq. AZ futbolchini sotishdan 15-20 million yevro olmoqchi.
Kerkez o‘tgan mavsumda 52 o‘yin o‘tkazib, 5 gol va 7 golga assistentlik qilgan.