Milanning “Inter” klubi “Atletiko” hujumchisi Alvaro Morata bilan hamkorlikni muhokama qildi.
30 yoshli futbolchiga A Seriyaning ko‘plab klublari qiziqish bildirmoqda, bu haqda avvalroq xabar berilgan edi. Jurnalist Alfredo Pedullaning yangilangan xabarida keltirilgan ma’lumotlarga ko‘ra, yakshanba oqshomida Morata atrofidagilar "Inter" vakillari bilan muzokara o‘tkazgan. Biroq, ispaniyalik "neradzurrilar" uchun muqobil variant bo‘lib, milanliklarning ustuvorligi Londonning "Arsenal" klubidan Folarin Balogun bo‘lib qolmoqda.
Eslatib o‘tamiz, "Inter" bilan uchrashuvdan biroz oldin Morata "Yuventus" bilan gaplashgan edi. Shuningdek, Joze Mourinyo hujumchini “Roma”da ko‘rishni chindan ham xohlayotgani ma’lum.
