"Real Madrid" o‘zining rasmiy saytida 2022/2023 moliyaviy yil yakunlari bo‘yicha ma’lumotlarni e’lon qildi.
O‘tgan mavsumni Madrid grandi 12 million yevro foyda bilan yakunladi. Ushbu davrdagi daromadlar o‘tgan yilga nisbatan 17 foizga o‘sib, 843 million yevroni tashkil etdi.
"Real Madrid" matbuot xizmatining xabar berishicha, daromad miqdori birinchi marta koronavirus pandemiyasigacha bo‘lgan ko‘rsatkichdan oshib ketgan (2018/2019 moliyaviy yil uchun 757 million yevro).
Eslatib o‘tamiz, o‘tgan mavsumda "Real Madrid" Ispaniya chempionatida ikkinchi o‘rinni egallagan edi. "Barselona" La Liga chempionligini qo‘lga kiritdi.