"Реал Мадрид" ўзининг расмий сайтида 2022/2023 молиявий йил якунлари бўйича маълумотларни эълон қилди.
Ўтган мавсумни Мадрид гранди 12 миллион евро фойда билан якунлади. Ушбу даврдаги даромадлар ўтган йилга нисбатан 17 фоизга ўсиб, 843 миллион еврони ташкил этди.
"Реал Мадрид" матбуот хизматининг хабар беришича, даромад миқдори биринчи марта коронавирус пандемиясигача бўлган кўрсаткичдан ошиб кетган (2018/2019 молиявий йил учун 757 миллион евро).
Эслатиб ўтамиз, ўтган мавсумда "Реал Мадрид" Испания чемпионатида иккинчи ўринни эгаллаган эди. "Барселона" Ла Лига чемпионлигини қўлга киритди.
