"Barselona" yarim himoyachisi Frank Kessie "Yuventus"ga o‘tishga tayyor.
26 yoshli futbolchi shu yozda sotilishi mumkin, chunki u Xavi Ernandesning rejalariga kirmagan. "Yuventus" ivuarlik uchun asosiy da’vogarlardan biri sanaladi, ammo Sky Sport xabariga ko‘ra, futbolchi bo‘yicha aniq muzokaralar hali davom etmayapti. Kessiening o‘zi Turin klubiga o‘tish variantini ma’qullaydi, ammo uning kelajagi borasida hali yakuniy qarorga kelgani yo‘q.
Frank Kessie "Atalanta" va "Milan" safida A Seriyada o‘ynagan. Transfermarkt yarim himoyachining hozirgi transfer qiymatini 25 million yevroga baholamoqda.