"Inter" "Atletiko"ga hujumchi Alvaro Moratani sotib olish bo‘yicha birinchi taklifni yubordi, deb xabar beradi Football Italia.

Manba bergan xabarga ko‘ra, "neradzurrilar" Romelu Lukaku "Yuventus"ga o‘tishga qaror qilganlaridan keyin yangi hujumchi qidirmoqda. "Inter" 30 yoshli ispaniyalik uchun 15 million yevro taklif qildi.

Morata o‘tgan mavsumda "Atletiko" safida barcha turnirlarda 45 ta o‘yinda maydonga tushib, 15 ta gol urdi va 3 ta golli uzatmani amalga oshirdi. Shartnoma 2024 yilning yoziga qadar mo‘ljallangan. Transfermarkt portali futbolchining narxini 20 million yevroga baholamoqda.