"Интер" "Атлетико"га ҳужумчи Альваро Моратани сотиб олиш бўйича биринчи таклифни юборди, деб хабар беради Football Italia.
Манба берган хабарга кўра, "нерадзуррилар" Ромелу Лукаку "Ювентус"га ўтишга қарор қилганларидан кейин янги ҳужумчи қидирмоқда. "Интер" 30 ёшли испаниялик учун 15 миллион евро таклиф қилди.
Мората ўтган мавсумда "Атлетико" сафида барча турнирларда 45 та ўйинда майдонга тушиб, 15 та гол урди ва 3 та голли узатмани амалга оширди. Шартнома 2024 йилнинг ёзига қадар мўлжалланган. Transfermarkt портали футболчининг нархини 20 миллион еврога баҳоламоқда.
