"Inter"ning "Kurva Nord" muxlislar guruhi hujumchi Romel Lukakuga murojaat qildi. Oldinroq 30 yoshli belgiyalik futbolchi "Yuventus"ga o‘tishga yaqin ekani haqida xabarlar tarqalgan edi.
"Sen hammamizga xiyonat qilding. Biz har doim qiyin paytlarda seni himoya qildik, endi esa orqamizga pichoq uryapsan. Sen eng yuqori narx taklif qilganga sotilasan. Arzon yollanma askardek klub ramzini o‘parding. Chempion bo‘lishdan oldin erkak bo‘lish kerak. Sen erkak emassan”, - deyiladi “Inter” muxlislari bayonotida.
Romelu Lukaku "Chelsi"ga tegishli. 2022/2023 yilgi mavsumda belgiyalik futbolchi "Inter"da ijara asosida o‘ynagan.