"Arsenal" o‘zining tayanch yarim himoyachisi Tomas Partini sotish g‘oyasidan voz kechdi. Jurnalist Fentuo Taxiro xabariga ko‘ra, ganalik futbolchi AQSHda mavsumoldi yig‘inini o‘tkazish uchun jamoaga qo‘shilgan. Klub avvalroq Saudiya Arabistoni va Turinning “Yuventus” jamoalari qiziqish bildirgan futbolchini sotish haqidagi fikrini o‘zgartirdi.
Ushbu transfer oynasida Parti "Arsenal"ni tark etishni istamadi. Ganalik Saudiya Arabistonining bir qancha foydali variantlarini rad etdi. Ketgan taqdirda yarim himoyachi Turinning "Yuventus" klubiga o‘tmoqchi bo‘lgan, ammo "keksa sinyora" hali moliyaviy tomondan transferni amalga oshirishga tayyor emas.
