"Арсенал" ўзининг таянч ярим ҳимоячиси Томас Партини сотиш ғоясидан воз кечди. Журналист Фентуо Тахиро хабарига кўра, ганалик футболчи АҚШда мавсумолди йиғинини ўтказиш учун жамоага қўшилган. Клуб аввалроқ Саудия Арабистони ва Туриннинг “Ювентус” жамоалари қизиқиш билдирган футболчини сотиш ҳақидаги фикрини ўзгартирди.
Ушбу трансфер ойнасида Парти "Арсенал"ни тарк этишни истамади. Ганалик Саудия Арабистонининг бир қанча фойдали вариантларини рад этди. Кетган тақдирда ярим ҳимоячи Туриннинг "Ювентус" клубига ўтмоқчи бўлган, аммо "кекса синьора" ҳали молиявий томондан трансферни амалга оширишга тайёр эмас.
