"Liverpul" futbolchisi O‘rta Sharqqa yo‘l oladi. Mersisaydliklar "Al-Ittifoq" bilan Jordan Xenderson xaridi borasida rasmiy kelishuvga erishdi. Unga ko‘ra, 33 yoshli futbolchi evaziga "Liverpul" 12 million funt va bonuslar qabul qiladi.
Jamoa sardori o‘tgan mavsumda 43 ta o‘yinda maydonga tushirilgan edi. Xenderson "Liverpul"ga 2011 yilning yozida "Sanderlend"dan 20 million funt evaziga olib kelingan edi. Yarim himoyachi 12 yil davomida jami 491 ta bahsda mersisaydliklar sharafini himoya qilib, 33 ta gol va 58 ta asist qayd etgan.
