"Arsenal" sardori Martin Edegorning aytishicha, uning jamoasi Premyer-liga chempionligidan mahrum bo‘lganidan keyin hamon azob chekmoqda.
O‘tgan mavsumda "Arsenal" 248 kun davomida turnir jadvalida peshqadamlik qildi, ammo yakunda "Manchester Siti" chempionlikni ilib ketdi va "shaharliklar" mavsumni trebl bilan yakunladi.
Edegor aynan "Arsenal" to‘g‘ri xulosa chiqarishiga va bu umidsizlikdan yangi mavsum uchun motivasiya sifatida foydalanishiga umid qilmoqda.
"O‘tgan mavsum haqida juda ko‘p turli xil his-tuyg‘ular mavjud. Biz qanchalik uzoqqa erishganimiz va so‘nggi yillarda qanchalik yaxshilanganimizdan faxrlanamiz. Bu yerda bo‘lish va hamma narsani yutgan jamoa bilan chempionlik uchun kurashish biz uchun yaxshi qadamdir. Lekin shu bilan birga, chempionlikni qo‘ldan chiqarganimiz bizni xafa qiladi.
Bizning orzumiz chempion bo‘lish edi. Biz shuni xohlaymiz, shuning uchun ham bu bizga azo bermoqda, lekin biz o‘tgan yil davomida o‘rgangan barcha narsamizdan avvalgi yilgidek foydalanishimiz kerak. O‘shanda biz Chempionlar ligasiga kira olmagandik. Ammo biz yana ham kuchliroq va yaxshi tayyorlanib qaytdik.
Endi o‘tgan yilgi muvaffaqiyatsizlikdan to‘g‘ri foydalanamiz va biz buni qilishga harakat qilamiz" - dedi Edegor Sky Sports nashriga.
