"Арсенал" сардори Мартин Эдегорнинг айтишича, унинг жамоаси Премьер-лига чемпионлигидан маҳрум бўлганидан кейин ҳамон азоб чекмоқда.
Ўтган мавсумда "Арсенал" 248 кун давомида турнир жадвалида пешқадамлик қилди, аммо якунда "Манчестер Сити" чемпионликни илиб кетди ва "шаҳарликлар" мавсумни требл билан якунлади.
Эдегор айнан "Арсенал" тўғри хулоса чиқаришига ва бу умидсизликдан янги мавсум учун мотивация сифатида фойдаланишига умид қилмоқда.
"Ўтган мавсум ҳақида жуда кўп турли хил ҳис-туйғулар мавжуд. Биз қанчалик узоққа эришганимиз ва сўнгги йилларда қанчалик яхшиланганимиздан фахрланамиз. Бу ерда бўлиш ва ҳамма нарсани ютган жамоа билан чемпионлик учун курашиш биз учун яхши қадамдир. Лекин шу билан бирга, чемпионликни қўлдан чиқарганимиз бизни хафа қилади.
Бизнинг орзумиз чемпион бўлиш эди. Биз шуни хоҳлаймиз, шунинг учун ҳам бу бизга азо бермоқда, лекин биз ўтган йил давомида ўрганган барча нарсамиздан аввалги йилгидек фойдаланишимиз керак. Ўшанда биз Чемпионлар лигасига кира олмагандик. Аммо биз яна ҳам кучлироқ ва яхши тайёрланиб қайтдик.
Энди ўтган йилги муваффақиятсизликдан тўғри фойдаланамиз ва биз буни қилишга ҳаракат қиламиз" - деди Эдегор Sky Sports нашрига.
