Taniqli turkiyalik hakam Juneyt Chaqir Rossiya futbol ittifoqining Hakmlar-ekspert hakamlar komissiyasiga (HEK) a’zo bo‘ldi. Bu haqda RFI matbuot xizmati xabar bermoqda.
Chaqirdan tashqari, HEKning yangilangan tarkibiga Milorad Majich (RFI hakamlar bo‘limi boshlig‘i), Ravshan Irmatov (FIFA instruktori), Nikolay Ivanov (FNL hakamlari menejeri) va Pavel Kamantsev (RFI hakamlar qo‘mitasi rahbari) kiritilgan.
Juneyt Chaqir 2022 yilda hakamlik faoliyatini yakunlagan. U Chempionlar ligasi final uchrashuvida hakamlik qilish baxtiga muyassar bo‘lgan Turkiyaning yagona vakili bo‘lib qolmoqda.
Eslatib o‘tamiz, HEK klublar va RFI talabiga binoan o‘yinlardan so‘ng hakamlarning bahsli qarorlarini ko‘rib chiqadi. HEK qarorlari asosida Nazorat va intizom qo‘mitasi (NIQ) o‘z qarorlarini qabul qilishi mumkin.
%20a%26amp%3Brsquo%3Bzo%20bo%26amp%3Blsquo%3Bldi.%20Bu%20haqda%20RFI%20matbuot%20xizmati%20xabar%20bermoqda.&image=%2Fimages%2Fnews%2F%D1%87%D0%B0%D0%BA%D0%B8%D1%80.jpg&noparse=true){kind=link}