Таниқли туркиялик ҳакам Жунейт Чақир Россия футбол иттифоқининг Ҳакмлар-эксперт ҳакамлар комиссиясига (ҲЭК) аъзо бўлди. Бу ҳақда РФИ матбуот хизмати хабар бермоқда.
Чақирдан ташқари, ҲЭКнинг янгиланган таркибига Милорад Мажич (РФИ ҳакамлар бўлими бошлиғи), Равшан Ирматов (ФИФА инструктори), Николай Иванов (ФНЛ ҳакамлари менежери) ва Павел Камантсев (РФИ ҳакамлар қўмитаси раҳбари) киритилган.
Жунейт Чақир 2022 йилда ҳакамлик фаолиятини якунлаган. У Чемпионлар лигаси финал учрашувида ҳакамлик қилиш бахтига муяссар бўлган Туркиянинг ягона вакили бўлиб қолмоқда.
Эслатиб ўтамиз, ҲЭК клублар ва РФИ талабига биноан ўйинлардан сўнг ҳакамларнинг баҳсли қарорларини кўриб чиқади. ҲЭК қарорлари асосида Назорат ва интизом қўмитаси (НИҚ) ўз қарорларини қабул қилиши мумкин.
