Brunu Fernandesh qanday qilib "Manchester Yunayted" sardori etib tayinlanganini aytib berdi.
"Ten Xag buni butun jamoa oldida qilmoqchi edi. Garri Maguayr bilan bog‘liq vaziyat haqida hamma allaqachon bilar edi, ammo keyingi sardor kim bo‘lishini hech kim bilmasdi. Shu tariqa, u jamoa yig‘ilishida hamma narsani tartibga soldi.
Garri meni tabrikladi va men uchun xursand ekanligini aytdi. Tushundimki, hozir u eng yaxshi holatda emas, unga qiyin bo‘lsa kerak, lekin u meni tabrikladi va bundan xursandman, chunki biz doimo yaxshi munosabatda bo‘lganmiz.
O‘ylaymanki, men qanday bo‘lgan bo‘lsam, xuddi shunday qolishim kerak. Men ham xuddi shunday qilishda davom etishim kerak. Har kuni o‘z o‘yiningni yaxshilashing kerak, lekin men qilayotgan ishimdan mamnunman va bu me’yorni saqlab qolishim kerak", - deydi yarim himoyachi.
