"PSJ" futbolchilarini Kilian Mbappening Yaponiya bo‘ylab turnega kiritilmagani hayratda qoldirdi.
RMC Sport nashri xabariga ko‘ra, "PSJ" futbolchilari klub rahbariyatining qaroridan hayratda qolishgan. Shunga qaramay, jamoada yaxshi muhit mavjud.
Eslatib o‘tamiz, Mbappe shartnomani bir yilga uzaytirish variantini faollashtirishdan bosh tortgani uchun "PSJ" uni mavsumoldi safari uchun tarkibdan chetlatgandi. Kilian Fransiyada qoldi, u klub rejalariga kiritilmagan bir guruh futbolchilar bilan mashg‘ulot o‘tkazmoqda.
31 iyulgacha Mbappeda yangilash opsiyasini faollashtirish imkoniyati bor. Agar bu amalga oshmasa, u 1 avgust kuni transferga qo‘yiladi.