"Manchester Yunayted" yarim himoyachisi Fred joriy transfer oynasida sotiladi.

Mankunianliklar rahbariyati futbolchilarni sotishdan mablag‘ yig‘ish niyatida, 30 yoshli yarim himoyachi esa ketishga asosiy nomzodlardan biri hisoblanadi. Jurnalist Alfredo Pedullaning fikricha, braziliyalikning ketishi deyarli muqarrar. Ayni damda futbolchi to‘rtta taklifni ko‘rib chiqmoqda: Londonning "Fulxem" klubi, Saudiya Arabistonining bitta klubi va Turkiya chempionatining ikki vakili.

Fred 2018 yildan beri “Manchester Yunayted” safida 213 ta o‘yinda maydonga tushib, 14 ta gol va 19 ta golli uzatmaga mualliflik qilgan. Futbolchining amaldagi shartnomasi 2023/24 yilgi mavsum oxirida yakuniga yetadi.