"Манчестер Юнайтед" ярим ҳимоячиси Фред жорий трансфер ойнасида сотилади.
Манкунианликлар раҳбарияти футболчиларни сотишдан маблағ йиғиш ниятида, 30 ёшли ярим ҳимоячи эса кетишга асосий номзодлардан бири ҳисобланади. Журналист Альфредо Педулланинг фикрича, бразилияликнинг кетиши деярли муқаррар. Айни дамда футболчи тўртта таклифни кўриб чиқмоқда: Лондоннинг "Фулхэм" клуби, Саудия Арабистонининг битта клуби ва Туркия чемпионатининг икки вакили.
Фред 2018 йилдан бери “Манчестер Юнайтед” сафида 213 та ўйинда майдонга тушиб, 14 та гол ва 19 та голли узатмага муаллифлик қилган. Футболчининг амалдаги шартномаси 2023/24 йилги мавсум охирида якунига етади.
