"Roma" "PSJ" yarim himoyachisi Renatu Sansheshni sotib olish borasida muzokaralar olib bormoqda. Nufuzli jurnalist Janluka di Marsio o‘z veb-saytida xabar berishicha, rimliklar va parijliklar hali ham kelishuvdan yiroq - ularning pozisiyalari bir-biridan farq qiladi. Liga1 grandi hozirda o‘yinchini sotib olish imkoniyati bilan ijaraga berishga rozi emas. "PSJ" 25 yoshli Sansheshni 20 million yevroga baholamoqda.
Di Marsio o‘z xabarida keyingi hafta Sanshesh bo‘yicha muzokaralar muhim bo‘lishini ta’kidlaydi. Klublar baribir umumiy fikrga kelishlari va kelishuv formulasini ishlab chiqishlari mumkin.
