"Manchester Yunayted"ni tark etganidan so‘ng erkin agent maqomiga ega bo‘lgan ispaniyalik mashhur darvozabon David de Xea faoliyatini Saudiya Arabistoni chempionatida davom ettirish uchun ikkita variant bor, deya xabar beradi insayder Fabrisio Romano.
Jurnalistning so‘zlariga ko‘ra, tomonlar o‘rtasida muzokaralar olib borilmoqda. Shu bilan birga, potensial ish beruvchilarning nomlari oshkor etilmagan.
Oldinroq, Davidning xizmatlariga Myunxenning "Bavariya" klubi ham qiziqish bildirayotgani haqida xabar berilgandi.
32 yoshli ispaniyalik futbolchi o‘tgan mavsumda Angliya Premyer-ligasida 38 ta o‘yinda maydonga tushdi.
