"Манчестер Юнайтед"ни тарк этганидан сўнг эркин агент мақомига эга бўлган испаниялик машҳур дарвозабон Давид де Хеа фаолиятини Саудия Арабистони чемпионатида давом эттириш учун иккита вариант бор, дея хабар беради инсайдер Фабрицио Романо.
Журналистнинг сўзларига кўра, томонлар ўртасида музокаралар олиб борилмоқда. Шу билан бирга, потенциал иш берувчиларнинг номлари ошкор этилмаган.
Олдинроқ, Давиднинг хизматларига Мюнхеннинг "Бавария" клуби ҳам қизиқиш билдираётгани ҳақида хабар берилганди.
32 ёшли испаниялик футболчи ўтган мавсумда Англия Премьер-лигасида 38 та ўйинда майдонга тушди.
