"Brentford" darvozaboni David Rayya uzoq vaqtdan beri Londonning "Arsenal" klubi qiziqishlari doirasida bo‘lib kelgan. Bu haqda jurnalist Fabrisio Romano ijtimoiy tarmoqlarda ma’lum qildi.

Manbaga ko‘ra, "kanonirlar" bosh murabbiyi Mikel Arteta 27 yoshli ispaniyalikning ashaddiy muxlisi bo‘lib, uning uchun "Brentford" avvalroq 50 million yevro tovon puli so‘ragan.

"Asalarilar" allaqachon Rayyaning o‘rniga yangi darvozabon sotib olishgan, biroq ispaniyalikni haligacha yangi jamoasiga sota olmadi. Avvalroq, Davidga "Tottenxem" qiziqayotgan edi, ammo yuqori narx tufayli "shporlar" boshqa variantga o‘tishga majbur bo‘ldi.