"Брентфорд" дарвозабони Давид Райя узоқ вақтдан бери Лондоннинг "Арсенал" клуби қизиқишлари доирасида бўлиб келган. Бу ҳақда журналист Фабрицио Романо ижтимоий тармоқларда маълум қилди.
Манбага кўра, "канонирлар" бош мураббийи Микель Артета 27 ёшли испанияликнинг ашаддий мухлиси бўлиб, унинг учун "Брентфорд" аввалроқ 50 миллион евро товон пули сўраган.
"Асаларилар" аллақачон Райянинг ўрнига янги дарвозабон сотиб олишган, бироқ испанияликни ҳалигача янги жамоасига сота олмади. Аввалроқ, Давидга "Тоттенхэм" қизиқаётган эди, аммо юқори нарх туфайли "шпорлар" бошқа вариантга ўтишга мажбур бўлди.
