Bernardu Silva "Barselona"ga o‘tish umidini yo‘qotmayapti.
Portugaliyalik yarim himoyachi bir yildan beri "Manchester Siti"dan Kataloniya klubiga o‘tishini osonlashtirishga harakat qilmoqda. U Premyer-ligani tark etish haqida o‘ylab ko‘rdi va "Barsa"da o‘ynashga umid qilmoqda.
"Barselona" Bernarduni Usmon Dembele o‘rniga qo‘lga kiritmoqchi, ammo bu transfer ehtimoli juda past. Klubning moliyaviy ahvoli Silvani sotib olishga imkon bermayapti, "Barsa" kelishuvni deyarli imkonsiz deb hisoblamoqda.
Avvalroq, yarim himoyachining transferiga "PSJ" ham qiziqish bildirayotgani xabar qilingandi.
Bernardu o‘tgan mavsumda APLda 34 ta o‘yinda maydonga tushib, 4 ta gol va 5 ta golli uzatmaga mualliflik qilgan.
