Бернарду Силва "Барселона"га ўтиш умидини йўқотмаяпти.
Португалиялик ярим ҳимоячи бир йилдан бери "Манчестер Сити"дан Каталония клубига ўтишини осонлаштиришга ҳаракат қилмоқда. У Премьер-лигани тарк этиш ҳақида ўйлаб кўрди ва "Барса"да ўйнашга умид қилмоқда.
"Барселона" Бернардуни Усмон Дембеле ўрнига қўлга киритмоқчи, аммо бу трансфер эҳтимоли жуда паст. Клубнинг молиявий аҳволи Силвани сотиб олишга имкон бермаяпти, "Барса" келишувни деярли имконсиз деб ҳисобламоқда.
Аввалроқ, ярим ҳимоячининг трансферига "ПСЖ" ҳам қизиқиш билдираётгани хабар қилинганди.
Бернарду ўтган мавсумда АПЛда 34 та ўйинда майдонга тушиб, 4 та гол ва 5 та голли узатмага муаллифлик қилган.
