“Leypsig” hujumchisi Andre Silva faoliyatini Ispaniya chempionatida davom ettiradi. Nemis klubi matbuot xizmati xabariga ko‘ra, "Real Sosyedad" 27 yoshli futbolchi uchun yangi ish joyiga aylangan. Ispaniya klubi kelasi mavsum oxirigacha ijaraga olingan hujumchini taqdim etdi.

Andre so‘nggi mavsumda "buqalar" safida 44 ta o‘yinda maydonga tushib, 9 ta gol urdi va 7 ta golli uzatmani amalga oshirdi. Transfermarkt ekspertlari portugaliyalikni 15 million yevroga baholamoqda.