Yozgi transfer oynasida himoyachi Kleman Langle "Barselona"ni tark etishi mumkin. Mish-mishlarga ko‘ra, kataloniyaliklar fransiyalik futbolchi bilan xayrlashishga harakat qilmoqda. Langle o‘tgan mavsumda "Tottenxem"da ijarada o‘ynagan va londonliklar ham futbolchini "ko‘k-anorranglilar"dan sotib olmoqchi. Biroq 28 yoshli himoyachiga yana bir da’vogar paydo bo‘ldi. Mundo Deportivo xabariga ko‘ra, Langlening transferi bo‘yicha muzokaralar hozirda Saudiyaning "An-Nasr" klubi tomonidan olib borilmoqda.
Qo‘shimcha qilamizki, nufuzli Transfermarkt portali mutaxassislari Kleman Langleni 10 million yevroga baholamoqda.
