Ёзги трансфер ойнасида ҳимоячи Клеман Лангле "Барселона"ни тарк этиши мумкин. Миш-мишларга кўра, каталонияликлар франциялик футболчи билан хайрлашишга ҳаракат қилмоқда. Лангле ўтган мавсумда "Тоттенхэм"да ижарада ўйнаган ва лондонликлар ҳам футболчини "кўк-анорранглилар"дан сотиб олмоқчи. Бироқ 28 ёшли ҳимоячига яна бир даъвогар пайдо бўлди. Mundo Deportivo хабарига кўра, Лангленинг трансфери бўйича музокаралар ҳозирда Саудиянинг "Ан-Наср" клуби томонидан олиб борилмоқда.

Қўшимча қиламизки, нуфузли Transfermarkt портали мутахассислари Клеман Ланглени 10 миллион еврога баҳоламоқда.