«Ан-Наср» Саудия Арабистони чемпионати 3-турида сафарда «Ал-Иттифоқ»ни 3:2 ҳисобида мағлуб этди.

Биринчи бўлимда мезбонлар Ондржей Дуда ва Альваро Медраннинг голлари эвазига устунликка эришди.

Иккинчи бўлимда эса «Ан-Наср» вазиятни ўзгартирди. 74-дақиқада Садио Мане ҳисобни қисқартирган бўлса, 77-дақиқада Абдулела Ал-Амри мувозанатни тиклади. Учрашув сўнгги дақиқаларида Мане яна бир гол уриб, меҳмонларга ғалаба келтирди.

Қайд этиш жоиз, «Ан-Наср» 12-дақиқадан бошлаб бир киши кам бўлиб ўйнади. Жамоа дарвозабони Бенту қизил карточка олди.

Ар-Риёд клуби ҳужумчиси Криштиану Роналду учрашувни асосий таркибда бошлади, аммо танаффусда алмаштирилди.

Шу ғалабадан сўнг «Ан-Наср» 9 очко билан чемпионат жадвалида пешқадам бўлиб турибди. «Ал-Иттифоқ» эса 6 очко билан олтинчи ўринни эгаллаган.