Kataloniyaning “Barselona” klubi markaziy himoyachisi Kleman Langle Italiya top-klubi manfaatlari doirasiga tushib qoldi. La Gazette Dello Sport xabariga ko‘ra, "Milan" fransiyalik futbolchini sotib olmoqchi.
"Barselona" o‘z futbolchisini 10 million yevroga baholamoqda. Avvalroq Langleni o‘tgan mavsumda ijara asosida o‘ynagan Londonning "Tottenxem" klubi sotib olmoqchi edi. Biroq “shporlar” “Barselona”ga kerakli summani to‘lamadi.
Eslatib o‘tamiz, Langle "ko‘k-anorranglilar" bosh murabbiyi Xavi Ernandesning rejalariga kiritilmagan. Futbolchi ushbu transfer oynasida sotilishini aniqladi.
