Каталониянинг “Барселона” клуби марказий ҳимоячиси Клеман Лангле Италия топ-клуби манфаатлари доирасига тушиб қолди. La Gazette Dello Sport хабарига кўра, "Милан" франциялик футболчини сотиб олмоқчи.
"Барселона" ўз футболчисини 10 миллион еврога баҳоламоқда. Аввалроқ Ланглени ўтган мавсумда ижара асосида ўйнаган Лондоннинг "Тоттенхэм" клуби сотиб олмоқчи эди. Бироқ “шпорлар” “Барселона”га керакли суммани тўламади.
Эслатиб ўтамиз, Лангле "кўк-анорранглилар" бош мураббийи Хави Эрнандеснинг режаларига киритилмаган. Футболчи ушбу трансфер ойнасида сотилишини аниқлади.
