«Chelsi» «Brayton» bilan Ispaniya terma jamoasi darvozaboni Robert Sanchesning transferi borasida kelishib oldi, deb xabar beradi The Athletic.
Manbaga ko‘ra, tomonlar kelishuvning yakuniy tafsilotlari bo‘yicha muzokaralar olib bormoqda. Robert «Chelsi»da darvozabon Kepa Arrizabalaga bilan boshlang‘ich o‘rin uchun kurashadi.
«Ko‘klar» 25 yoshli darvozabonning transferi uchun 20 million yevro to‘laydi, shuningdek, besh million bonus ham olishi mumkin.
2022/23 yilgi mavsumda Sanches «Brayton» tarkibida 25 ta o‘yinda maydonga tushib, 30 ta gol o‘tkazib yuborgan.
