"Ayntraxt" hujumchisi Randal Kolo-Muani yozgi transfer oynasida jamoasini o‘zgartirish istagi haqida o‘z vakillariga gapirib berdi. Bu haqda jurnalist Fabris Xokins ijtimoiy tarmoqlarda xabar berdi. 24 yoshli fransiyalik futbolchiga Yevropa futbolining ikki giganti – “Bavariya” va “PSJ” qiziqish bildirmoqda. "Ayntraxt" o‘zining hujumkor yetakchisini sotishga tayyor.
Aytish joizki, Transfermarkt portali mutaxassislari Randal Kolo-Muanini 80 million yevroga baholamoqda. Mavsum davomida fransiyalik futbolchi “Ayntraxt”da 46 ta o‘yin o‘tkazib, 23 ta gol va 17 ta golli uzatmani amalga oshirgan.
