Madridning «Real» klubi hujumchisi Vinicius Junior Fransiya terma jamoasi va «PSJ» hujumchisi Kilian Mbappe bilan bir klubda o‘ynashni xohlashini yashirib o‘tirmadi.

Marca nashri xabariga ko‘ra, braziliyalik futbolchi fransiyalik futbolchi bilan «qirollik» klubida o‘ynashni xohlaydi.

Eslatib o‘tamiz, madridliklar joriy transfer oynasida Kilianni qo‘lga kiritishga yaqin turibdi. Potensial transfer summasi 200 million yevroga baholanmoqda.

Mbappening parijliklar bilan mehnat shartnomasi kelasi yilning o‘rtalarigacha hisoblangan. Futbolchining transfer narxi taxminan 180 million yevroni tashkil qiladi.