"Brayton" darvozaboni Robert Sanches "Chelsi"ga o‘tadi.

Eslatib o‘tamiz, juma kuni ispaniyalik futbolchi londonliklar uchun tibbiy ko‘rikdan o‘tgan edi. Jurnalist Adrian Kayumbaning xabar berishicha, 25 yoshli darvozabon "Chelsi" bilan 7 yillik shartnoma imzolagan. Shartnoma to‘liq tasdiqlangan. Robert Sanchesning transfer narxi turli bonuslarni hisobga olgan holda deyarli 30 million yevroga baholanmoqda.

Sanches Premyer-ligada o‘tgan mavsumda "chaykalar" safida 23 ta o‘yinda maydonga tushib, 30 ta gol o‘tkazib yuborgan va 6 marta o‘z darvozasi daxlsizligini saqlagan. Futbolchining "Brayton" bilan amaldagi shartnomasi 2025 yilgacha mo‘ljallangan.