"PSJ" hujumchisi Kilian Mbappe jamoadan alohida shug‘ullanishda davom etmoqda.
Dushanba kuni parijliklar mavsumoldi yig‘indan so‘ng mashg‘ulotlarga kirishadilar. RMC Sport nashri xabariga ko‘ra, Mbappe mashg‘ulotlarni alohida davom ettirishi kutilmoqda. Fransiyalik futbolchiga rahbariyat rejasiga kiritilmagan futbolchilar hamrohlik qilishda davom etadi.
"PSJ" transfer oynasi tugamasdan Mbappedan qutulmoqchi, ammo hozircha urinishlar natija bermayapti. Kilian bir mavsumga ijaraga beriladi, keyin esa erkin agentga aylanadi.
Eslatib o‘tamiz, Mbappe bir yildan so‘ng "Real"ga tekinga o‘tmoqchi. Ayrim manbalar avvalroq fransiyalik futbolchi “qaymoqranglilar” bilan dastlabki shartnoma borasida kelishib olgani haqida xabar bergan edi.
