"ПСЖ" ҳужумчиси Килиан Мбаппе жамоадан алоҳида шуғулланишда давом этмоқда.

Душанба куни парижликлар мавсумолди йиғиндан сўнг машғулотларга киришадилар. RMC Sport нашри хабарига кўра, Мбаппе машғулотларни алоҳида давом эттириши кутилмоқда. Франциялик футболчига раҳбарият режасига киритилмаган футболчилар ҳамроҳлик қилишда давом этади.

"ПСЖ" трансфер ойнаси тугамасдан Мбаппедан қутулмоқчи, аммо ҳозирча уринишлар натижа бермаяпти. Килиан бир мавсумга ижарага берилади, кейин эса эркин агентга айланади.

Эслатиб ўтамиз, Мбаппе бир йилдан сўнг "Реал"га текинга ўтмоқчи. Айрим манбалар аввалроқ франциялик футболчи “қаймоқранглилар” билан дастлабки шартнома борасида келишиб олгани ҳақида хабар берган эди.