Hindistonning Nyu-Deli shahri mezbonlik qilgan og‘ir atletika bo‘yicha o‘smirlar va yoshlar o‘rtasidagi Osiyo chempionati o‘z yakuniga yetdi. Musobaqaning so‘nggi kunida eng og‘ir vazn toifalarida kechgan bellashuvlarda O‘zbekiston terma jamoasi a’zolari 3 ta oltin va 3 ta bronza medallariga sazovor bo‘lishdi.

Oltin medal:
-109 kg, yoshlar: Qurbonmurod Namozov (3 ta)
Bronza medal:
+81 kg, o‘smirlar: Lolaxon Abdurashidova (siltab ko‘tarish va ikki kurash)
+109 kg, yoshlar: Amir Abdullayev (dast ko‘tarish)

Quvonarlisi, musobaqa yakunida U-20 yosh toifasida ham yigitlar, ham qizlar terma jamoamiz ochkolar bo‘yicha umumjamoa hisobida birinchi o‘rinni qo‘lga kiritishdi. Yigitlarimiz medallar jamg‘arish yo‘nalishida ham 9 ta oltin, 6 ta kumush va 4 ta bronza medallari bilan peshqadamlik qilishdi. Qizlarimiz esa 8 ta kumush hamda 9 ta bronza medallariga egalik qilishdi.

O‘smirlar toifasida ham yurtdoshlarimiz o‘z so‘zlarini ayta olishdi. Yigitlarimiz 10 ta oltin, 4 ta kumush va 8 ta bronza medallari bilan umumjamoa hisobida birinchi bo‘ldilar. Qizlarimiz hisobida esa 4 ta oltin, 3 ta kumush va 8 ta bronza medal mavjud (4-o‘rin). Qayd etish joiz, har ikki jamoamiz ochkolar jamg‘arish bo‘yicha ikkinchi natijani qayd etishdi.

Yoshlarimiz qo‘lga kiritgan jami medal: 9 ta oltin, 14 ta kumush va 13 ta bronza.

O‘smirlarimiz qo‘lga kiritgan jami medal: 14 ta oltin, 7 ta kumush va 16 ta bronza.

Umumiy hisobda: 23 ta oltin, 21 ta kumush va 29 ta bronza.

O‘zbekiston Milliy Olimpiya qo‘mitasi mazkur musobaqadagi ulkan natija bilan O‘zbekiston og‘ir atletika federasiyasi, yosh sportchi va murabbiylarimizni samimiy qutlab, ularga kelgusi faoliyatlarida ham omad hamda zafarlar tilaydi.