Romelu Lukaku «Yuventus»ga o‘tishga rozi bo‘ldi.
Jurnalist Janluka Di Marsioning Corriere della Sera nashriga tayanib xabar berishicha, «Yuventus» sport direktori o‘rinbosari Jovanni Manna va Lukakuning vakili Sebastyan Ledure o‘rtasidagi ilk aloqalar shu yilning mart oyida bo‘lib o‘tgan.
Keyin futbolchi «byankonerilar»ning qiziqishi haqidagi ma’lumotga jiddiy e’tibor qaratdi, ammo klubdan mavsum oxirigacha kutishni so‘radi.
Ta’kidlanishicha, Lukaku va «Yuventus» 12 iyun kuni - «Inter»ning Chempionlar ligasi finalidagi mag‘lubiyatidan ikki kun o‘tib kelishuvga erishgan.
Belgiyalikning bunday qarorga kelishiga uning ushbu uchrashuvda asosiy tarkibda kiritilmagani tasir qilgan. Bu futbolchini xafa qildi.
