Ромелу Лукаку «Ювентус»га ўтишга рози бўлди.
Журналист Жанлука Ди Марционинг Corriere della Sera нашрига таяниб хабар беришича, «Ювентус» спорт директори ўринбосари Жованни Манна ва Лукакунинг вакили Себастьян Ледуре ўртасидаги илк алоқалар шу йилнинг март ойида бўлиб ўтган.
Кейин футболчи «бьянконерилар»нинг қизиқиши ҳақидаги маълумотга жиддий эътибор қаратди, аммо клубдан мавсум охиригача кутишни сўради.
Таъкидланишича, Лукаку ва «Ювентус» 12 июнь куни - «Интер»нинг Чемпионлар лигаси финалидаги мағлубиятидан икки кун ўтиб келишувга эришган.
Бельгияликнинг бундай қарорга келишига унинг ушбу учрашувда асосий таркибда киритилмагани тасир қилган. Бу футболчини хафа қилди.
